Monday, October 10, 2005

زحمة ولخبطة واسئلة حائرة

الحكومة لم تتخذ أي إجراء في حادث 5 سبتمبر، فات أكثر من شهر ولا حس ولا خبر، لو ماكانش فيه مجموعات تعمل، كان كل حاجة خلصت فشوش، يا ترى فيه حاجة حتحصل؟ هنسمع عن حقائق هتظهر، ولا هيشرب الموضوع كله عامل مسكين.!؟؟؟؟
هو فين النائب العام؟ بيشتغل إيه بالضبط؟ وإيه صلاحياته؟
يا ترى أخبار ضحايا يوم الاستفتاء إيه؟ ويا ترى حد خدلهم حقوقهم؟ ولا المجور اتكفا على الخبر ده كمان؟؟؟
ويا ترى إيه السبب في أن المصايب بتحصل ومحدش بيتعاقب؟
يا ترى لغاية أمتى ثمن المواطن المصري هيفضل رخيص ومالوش ديه؟؟
وليه الناس في بلاد بره بتعيش مكرمة لغاية سن 99 وبعد كده وفي مصر بعد الستين لو الواحد فضل عايش تبقى عيشته ضنك؟
*************************

أمير قطري يدهس بسياراته مجموعة بريئة من البشر. بعد مفاوضات بين الحكومتين، ، تحركت حكومتنا فيها بعد ضغوط شعبية، تقرر محاكمته في قطر، بعد أن هرب بطائرة خاصة وتركوا جثث الضحايا ملقاة في الطريق ، اليوم سافر وفد من القضاء!!!! لحضور الاجراءات والمحاكمة؟؟؟؟؟؟؟؟؟؟؟؟
هل ذهابهم سيؤدي إلى شيء؟
هل الحكم عليه "مع إيقاف التنفيذ" هو السيناريو المحتمل؟
هل هناك من سيحاول التخفيف النفسي ومساندة أهل الضحايا، ولا عوضهم على الله، ولو نطقوا يبقوا بيعترضوا على حكمه؟؟؟
****************************

ضحايا زلزال باكستان أكثر من 20 ألف، يا ترى ربنا بيعاقب المساكين دول على إيه؟؟؟؟؟؟؟؟؟
ولو مش بيعقاقبهم ده معناه أنه مكانش بيعاقب الأمريكان؟؟؟
ولو كان بيعاقب الأمريكان بيبقى بيعقابهم! عروستي؟؟؟؟
يا ترى كام عيلة أتشردت، وكم طفل اتيتم؟
ويا ترى هل بعد كل هذا الدمار البشري والطبيعي، هل يمكننا أن نتفائل؟ وهل هناك أمل في ألفية رابعة؟؟؟

************************
الشامل للمدونات العربية ترفض انضمام مدونة لأسباب أخلاقية والمدونون يعترضون، ويحتجون، ويقاطعون وتقبل مقاطعتهم بشياكة وهدوء
هل الشامل ده شامل أوي كده؟؟؟
وهل الناس في أي مكان صحرا إن كان أو بستان لازم يكون ليها المقاييس نفسها لرؤية الأمور واتخاذ القرارات؟
وهل الحرية مطلقة أم نسبية؟ ويعني إيه؟؟؟
وهل يمكن لأحد أن يحد من حرية البشر على الإنترنت؟
وهل سيعمل القائمون على الشامل الآن على تغيير سلوكهم ويتعظوا بعد قيام قومة المدونين عليهم بزعامة ابليس؟
وهل من حقوق الإنسان الحرية في الاعتداء على حقوق الانسان وكرامته وحقه في أن يكون له رأي مخالف أو مختلف أو تقليدي ورجعي حتى ؟؟؟؟

3 comments:

R said...

ـ"وهل يمكن لأحد أن يحد من حرية البشر على الإنترنت"
لا أظن.
ومن ضمن حرية البشر حرية محرري الشامل.

ملحوظتان:
?) آخر رابطين لا يعملان. مش بيوصلوا لشيء.
?) يا ريت تعملي
activation to the word verification of comments (from the Blogger settings) لمنع هذه التعليقات السخاميّة. هذا طبعاً لو هي تضايقك كما تضايقني :)


سلام

beastboy said...

Activated,

وآخر رابطين بيوصلوا لأبليس والشامل؟؟؟؟ مش بيشتغلوا عندك ليه؟

R said...

الكوم?يوتر مش شايفهم أصلاً، يعني معتبرهم نص عادي تحته خط.

ـ