Wednesday, September 27, 2006

إيه اللي جابك هنااااااااااااا؟؟؟؟

زمان وبنتي صغيرة كان بابا دايمًا يلعب معاها لعبة
كان أول ما يشوفها يقولها: إيه اللي جابك هنا عدو ولا حبيب؟؟؟
ترد عليه بصوت طفولي: حبيب
ولغاية دلوقت ومع غياب بابا لسه الصغيرة فاكرة اللعبة
***********
النهاردة في المدرسة فوجئت الصغيرة هي وواحدة صغيرة تانية
بواحدة صغيرة تالتة
بتقول لواحدة صغيرة رابعة
انتي ليه بتلعبي معاهم وهما جايين من البلاد التانية
- مصر والعراق -
مش المفروض تلعبي معاهم
إحنا عايزين البلد بتاعتتنا يكون فيها الناس بس اللي
لونهم خوخي زي لوننا
********
دي الحكاية اللي حكتهالي الصغيرة النهاردة
البنات الثلاثة راحوا اشتكوا للأستاذ
اللي على طول عاتب البنتين وعاقبهم
**********
يا ترى ده حدث عارض ولا بداية لحوادث تانية جاية؟؟؟؟؟؟؟؟
يا ترى هي دي بداية سلسلة الأسئلة والغلاسات اللي الناس اللي معندهاش فكرة
عن قبول الاختلاف بيقرفوا الناس المختلفة عنهم او اللي بنقول عليهم أقلية في مكان ما في عيشتهم؟؟
ولما عيال عندها 9 سنين بتتكلم ده، يا ترى بكرة هيعملوا إيه؟
ويا ترى أهاليهم بيتكلموا إزاي ؟؟؟
**********

Wednesday, September 20, 2006

أحاسيس جديدة في الصباح

كان الاستيقاظ في الصباح وقيادة السيارة والخروج والعودة كلها أشياء عادية وأنت معي الآن وأنا وهي في مكان وأنت في آخر أصبح لكل شيء معنى مختلف

أصبحت أقود سيارتي في الصباح وبعد أن أترك صغيرتي أجد نفسي وقد استحوذت عليّ فكرة واحدة يجب أن أعود سالمة يجب أن ألتزم الحرص في كل شيء أخاف على حياتي بشكل مكثف لأنني إذا لم أعد لأي سبب ستصبح هي وحيدة ولو ليوم واحد

هل هذه هي الغربة؟ هل عدم احساسي بالأمان الذي افتقده بعدم وجودك

هل هو الوضع الجديد

هل هذا هو الخوف ؟؟؟ هل هو عدم الثقة ؟؟ لا أدري ولكنها الحالة التي أعيشها هذه الفترة