Tuesday, March 07, 2006

Syriana

قبل عرض لوجو الشركة المنتجة يبدأ الفيلم بالآذان ثم تظهر مجموعة من العمال الفقراء من باكستان ودول عربية مختلفة في طريقها للعمل في آبار البترول

الفيلم على مستويات مختلفة، أحداثه بتدور في أماكن متفرقة، إيران، بيروت، تكساس، واشنطن، سويسرا، أسبانيا.

فيلم مختلف، فيه بترول وأمراء ورجال أعمال وغلابة مقهورين، عمال مطحونين، وأمراء ورجال بترول مريشين، وأفكار وكلام. فيلم جورج كلوني فيه بيحاول يتكلم عربي، تفتكروا علشان كده أخذ الأوسكار :)!!! ؟

السينما كان فيها عدد محدود من البشر، أغلبهم فوق الخمسين إحتمال كبير علشان الميعاد
الصبح هنا الناس عادة بتشتغل، لفت نظري وجود ناس فوق الستين بيتابعوا الفيلم باهتمام. فترات من الفيلم كنت بتسائل في مشاهد معينة يا ترى فهموا إيه؟ يا ترى بيفكروا في إيه؟؟

مش عايزة أحكي تفاصيل الفيلم، ولا انطباعاتي، عايزة بس أقولكم لو جاتلكم الفرصة يا ريت تشوفوه

4 comments:

الست نعامة said...

اتفرجت عليه، وفعلا استغربت جدا من مشاهد معينة وكمان من مواقع التصوير المختلفة.
فيلم مختلف عامة.

egiziana said...

هو اتعرض في مصر يا ست نعامة؟

...دنيتي said...

هو في سينما إيه؟

change destiny said...

أنا لسة راجعة من فيلم كراش انهاردة . سيريانا مكنش لسة في السينما . كراش حلو على فكرة