Thursday, March 23, 2006

هو ده اللي أنتو فالحين فيه

رفض مجلس الشعب المصري يوم الخميس بشدة خروج بعض الصحف الصادرة في مصر عن قيم وتقاليد المجتمع والأداب العامه كما حذر من الخروج على الدستور والقانون.وقرر الدكتور أحمد فتحى سرور رئيس المجلس إرسال ثلاث رسائل إلى رئيس المجلس الأعلى للصحافة ووزير الثقافة والتضامن الاجتماعى احتجاجا على الصور الخليعة التى قامت بنشرها صحيفة تصدر تحت اسم "المصرى الشرقى".وقال سرور في كلمته أنه تلقى بيانات عاجله من جانب عدد من نواب جماعة الإخوان المسلمين المحظورة ضد الصحفيه ، وأنه أطلع عليها ولم يصدق أنها تصدر فى مصر بسبب خلاعة الصور المنشورة فيها. وقال رئئس المجلس : "لا أحبذ عرض هذه الصور فى مجلس الشعب وسوف أرسلها إلى الجهات المختصه لاتخاذ الإجراءات اللازمه وإبلاغ المجلس بها".وأضاف الدكتور سرور أن المجلس سوف يفتح باب المناقشة فى هذه القضية بعد تلقيه الردود ودعا إلى ضرورة حماية الأداب العامة والشباب من الصور الخليعة التى تنشر الاشمئزاز ، وعقب الدكتور مفيد شهاب وزير الشئون القانونية والمجالس النيابية أن الحكومة تشعر بمسئوليتها أمام هذه القضية وترفض هذه الصور التى تسىء إساءة بالغة إلى الأداب العامة وتعهد بمتابعة الجهات المسئولة عن هذه الصور التى لايقبل أى مواطن شريف توزيعها فى مصر.

مجرد خبر فقع مرارة.... مش مهم المصايب السودا اللي في البلد، والناس اللي بتموت بالميات في العبارات وهرب صاحبها(بمزاجهم)، والناس اللي بتتبهدل ومش بتاخذ حقها، مش مهم الحالة الاقتصادية الهباب اللي إحنا فيها، المهم الصور الإباحية
عالم عايزة الحرق زي ما بيحرقوا دمنا كل يوم
أووووووف بقى

8 comments:

Tarek said...

أهلا بالإخوان ... نورتوا البلد !!

bluerose said...

محاولة اخرى لزرع فكرة عند العامة ان القيود على الصحافة هي قيود على الاباحية

Alaa said...

تمام يا بلوروز التوقيت يخليني لازم نفكر شوية

مش بعيدة على الحزب الواطي لما يعمل كده، لكن ليه جماعة معارضة زي الاخوان تنساق في الموضوع ده في اللحظة دي؟ و كمان لما يكون في تخنيق على جريدتهم

حقيقي مش فاهم، أنا عرف أن دي قيم الأخوان و أن ده جزء من برنامجهم العلني، بس في حاجة اسمها أولويات، في حاجة اسمها متعملش حاجة تكون في صالح خصومك

حاجة كده تفكرك بمشروع قانون الرقابة على الانترنت اللي قدموه في نفس الوقت اللي صفحتهم كانت محجوبة فيه

عموما اطمنا أن الأخوان مصريين و انتمائهم للبلد شديد لأن الغباوة دي متطلعش غير من أمثالنا

عبدالله النديم said...

بجد فكرتونى بكلمة لسه قاريها من يومين ومش فاكر من مين بتقول عندما يتحدث المجتمع عن الاخلاق بكثرة يكون لا يملكها
اما يا علاء انا مش فاهم إعتراضك بجد, الاخوان يعملوا كدة واكتر مين قال انها فارقة معاهم فى الجرنان أو غيره كفاية يكسبوا نقطة هيمنة فكرية مهمة ويزرعوا مبادئهم وطريقتهم فى التحليل, وعموما فعلا اثبتوا مصريتهم يا ريس
بقولك ايه تيجى ناخد جنسية كباكا عشان ننفد من الغبا

ألِف said...

يا علاء الإخوان ما بيبصوش غير تحت دقونهم. تكتيكات بس، ما فيش استراتيجية (زينا كلنا يعني) كل ال يهمهم الشكليات و الحكومة فاهمة دا كويس و تشجعهم عليه طالما بيخدم أهدافها زي ما بلوروز نبهتنا.

من الناحية التانية اتوقعوا أن الحكومة كلها يدخل الإيمان قلبها فجأة و نرجع تاني لزمن الرئيس المؤمن، لكن المرة دي غصبا عنهم لأنها الرايجة بجد.

حاجة وسخة.

Darsh-Safsata said...

مش متفق مع الف، في اعتقادي ان الاخوان اثبتوا ان هم اللي عندهم استراتيجية طويلة اكتر من غيرهم
هم ما عندهمش امل ان الرقابة تترفع من على الصحافة تماما ويقدروا يقولوا اللي هم عايزينه
هم بيوصلوا فكرهم بكل الطرق، وما يهمش كتير التفاصبل
هم بيتكلموا في العموميات، ووجود الرقابة حجة كويسة انهم غلابة مش قادرين يقولوا كل حاجة
وجود الرقابة عذر يظهرهم بمظهر المضطهدين وفي ذات الوقت هو تكريس لفكرهم فهم لا يطالبون بالحرية الحقيقية ببساطة لانهم لا يؤمنون بها ولا ينوون المساعدة على تطبيقها
و لا يجب ان نندهش ان في الكثير من النقاط ينجح الوطني والاخوان في الاتفاق عليها

بنت امي الغالية said...

والله عندك حق دي ناس مش تفقع المرارة تفقع المرارة والكلي والكبد والبنكرياس والعين وكل حاجة ، بس هاتقول ايه الاحساس نعمة وربنا ع الظالم ع العموم خلينا نكتب ونقول يمكن ربنا يبعت الاحسن ويرفع الموجودين

hamdy elgazzar said...

متشكرين يا شخصية على كلامك الحلو عن رواية سحر أسود،واضح جدا ليه الناس بتيجي هن كتير..بلوج جميل جدا