النهاردة عيد ميلادك
سنة تانية بتفوت من عمرك، سنة تانية بتزيد في تاريخك طول عمري بحس ان زيادة العمر دي حاجة لذيذة وحلوة
لو وراها تاريخ لذيذ وحاجات نفتكرها
ولما نحس ان لسه فينا نفس نعمل حاجات كثير كان نفسنا نعملها
لسه نفسنا نخرج ونلعب ونسافر ونجري
لسه فينا نفّس نزعق ونتخانق
ونتصالح
لما عيد ميلادك بيجي معرفش ليه بفتكر أول يوم اتقابلنا
لما غلست عليكي
ويعدين إزاي اتصاحبنا
بفتكر اعياد الميلاد اللي فاتت
ومغامرتنا الكتيرة العجيبة
ياه يا بنتي كل ده عملناه سوا
وكل الناس دي عرفناها مع بعض
الرغي والخروج والخباثات
بفتكر كل ده في اليوم ده بالذات
يمكن علشان بقالي 4 سنين دلوقتي مش بحضر عيد ميلادك
والتليفون هو وسيلة اتصالنا الوحيدة
بفكر كثير وأقول لنفسي
ياترى انت سعيدة ؟
يا ترى النهاردة في عيد ميلادك بتفكري في إيه ؟
والدنيا عامل معاكي إيه؟؟؟كل سنة وانت طيبة يا صاحبتي
Ti voglio tanto bene
2 comments:
anch'io ti voglio bene
ياه فكرتيني بأوقات جميلة قضيناها و خبرات كتيرة عدينا فيها و اتناقشنا فيها، ناس كتير اتعرفنا عليها مع بعض ، حكايات كتيرة ....
بس ما اضحكش عليكي العمر لما بيجري بأخاف ، هل فعلا حققت أحلامي ولا لسة،
تفتكري حانلحق (:
البوست ماليان مشاعر والتعليق كمان جميل
ربنا ما يحرمكوا من بعض
كل سنه وانتوا طيببين
Post a Comment