مش كفاية بقى

كل ما الواحد يبدأ في الإحساس بالأمل أن الحرب خلاص هتخلص وهيبدأوا يفكروا في الناس اللي اتشردت وماتت واتجرحت والمباني اللي اتكسرت يطلع علينا كل من الطرفين بمزيد من التحديات والأخبار والمصايب. يوم غريب زي كل الأيام السيد حسن نصر الله بيقول معندوش مانع إن جيش لبنان ينتشر لكن دون التصريح بالتخلي عن سلاحه؟؟؟؟؟

وخبر تاني بيقول إن عدد القتلى 1020 والجرحى 3508 والمشردين 915 ألف

طيب و بعدين، السادة المحترمين في الحكومة الإسرائيلية بيقولوا إنهم هيتوسعوا (أكثر من كده) في العمليات العسكرية، وسمعتهم في مونت كارلو النهاردة بيقولوا إنهم بيرموا (مناشير) من الطيارات ويقولوا للناس أمشوا

والناس بتصّوت، هنمشي نروح فين، نصر الله من ناحية بيقول لعرب حيفا إمشوا وإسرائيل من الناحية التانية بتقول للناس أمشوا

كل واحد مزنوق يرمي شوية صواريخ من طيارة أو من سطح عمارة بيقول للناس أمشوا

ومن الناحية التانية ناس عمالة ترغي وبتحاول تقرر حلول

حلول إيه، وكل طرف عنده مصالحه

والإعلام مزيف

كل طرف عنده وهم فكرة الانتصار في الحرب

عمر ما في حاجة اسمها انتصار في حرب

دي خدعة بيضحكوا بها على الناس الغلبانة

الحرب بيخرج منها عادة طرفين كل منهما خسر بالفعل الكثير

مفيش فايدة

هي خربانة خربانة

على رأي واحد بيقول حزب الله بيحارب شعب الله

ولبنان اتكلت على الله

أي الله فيهم بقى هينتصر ؟؟

وهل الله طلب من البشر أن يقتلوا بعضهم والأطفال؟؟ وباسمه؟

لا يبقى لي إلا أن أقول

ارحمنا يا الله