Wednesday, May 24, 2006

فيلم شفرة دافينشي - الحلقة الأولى

مشهد داخلي، حجرة الصغيرة في الصباح الباكر

النهاردة أنا وبابا هنروح السينما وأنت في المدرسة
إيه ده من غيري؟
أصله فيلم للكبار، يعني لسن 12 سنة وأكبر
وده فيلم إيه ده؟
وإيه حكايته؟
مممم، واحد بيتقتل، وبعدين حفيدته واستاذ في الجامعة بيدورو على الناس اللي قتلوه
آه زي الكتاب اللي بتقريه وحكتيلي عليه
وليه بقى للكبار بس؟؟
علشان فيه مناظر وأفكار شوية متنفعش للصغيرين
والناس دي قتلته ليه؟
آه، علشان هو كان معها سر خطير والناس دي مش عايزه حد يعرفه
سر إيه؟؟؟
The holy blood
آه أنا فاكرة كان فيه برنامج في التلفزيون عن حاجة كدة
أيوه، الدم المقدس ده علشان فيه ناس بتقول إن المسيح كان عنده عيله، ولسه فيه ناس من عيلته عايشين
عيلته؟؟
المؤلف أخذ شوية حاجات حصلت بجد، وألف عليها قصة خيالية فيكشن يعني، حاجة كده زي هاري بوتر ما فيها مناطق من لندن وهي قصة خيالية
أه وزي نارنيا كمان
بالضبط زي نارنيا والحرب العالمية الثانية، شاطرة، ياللا بقى علشان تروحي المدرسة

1 comment:

egiziana said...

ياللا شوقتينا نسمع التعليق علي الفيلم، بصراحة لسة ما قريتش الكتاب علشان كدة مستنية اشوف الفيلم من باب الفضول