بحب السيما

اخيرًا شفته، بعد متابعة المقالات الكثيرة التي كتبت هنا و هنا وأماكن كثيرة تانية

وبعد المشاكل الكثيرة والقومة اللي قامها الأقباط على الفيلم؟ بصراحة جالي احباط فظيع؟ بالنسبة لي الفيلم كان عادي، الإخراج أكثر من عادي اللهم من شوية مشاهد مختلفة لكن شعور بشع لازمني من أول الفيلم لغاية النهاية هو فيه إيه بالضبط؟؟؟؟ هو أنا بطلت أفهم في السيما؟؟؟؟ ده أنا من صغري عاشق للسيما ومخرجيها شفت كتير وقريت كتير عنها أنا كمان بحب السيما، مش ناوي أعمل فيلم ولا حاجة لكن السينما بالنسبة لي بتنقلني لعالم تاني عالم مختلف، يخليني أحلم، احس بحاجات مختلفة عالم جميل ملائكي، زي عالم نعيم (مشهد دخوله السينما كان مختلف)

مش هنكر أن العالم اللي نقلنا لي المخرج جديد مختلف لكن مشوه تشويه مبالغ فيه علشان يبين ان الأقباط شريحة من شرائح المجتمع المصري عادية، ومش زي اللي بيظهر في الأفلام القديمة عمل حاجة أقل من العادي أقل كثير من الطبيعي (الإخراج فقير والمكياج بشع (إيه القرعة بتاعة محمود حميدة دي السيناريو؟ باستثناء بعد الجمل والصلوات مقدرش أقول عليه غير أنه سيناريو مسكين والحبكة الدرامية ملخبطة جدًا وشبه عشوائية? متفبركة بمعنى أصح البعد النفسي عند الشخصيات مش مقنع بالمرة والشتايم والخناقات مفتعلة بشكل واضح ليس الغرض منه سوى اطلاق سيل من الألفاظ البذيئة يمكن محاولة ما لخلق نوع من الصدمة عند المتفرج ? وإيه طقس الزواج الأفرنجي "المترجم جدًا" ده؟؟؟؟؟ الحاجة اللي فعلاًَ فرقت معايا وقعدت أفكر فيها طول الوقت هو بقى الأقباط عملوا الدوشة دي كلها ليه؟؟؟ ياللا أهو فيلم يفوت