بقالي كام يوم بفكر في الحكاية دي، كل يوم بيعدي وكل حاجة وكل شيء مكتوب حاليًا ومن فترة مفيهوش غير حالة التردي والسوء إللى وصلت ليها مصر. بأسأل نفسي كتير السؤال: طيب فاضل إيه حلو في مصر؟؟ اللي بفتكره هي مصر اللي سبتها من حوالي 4 سنين،واللي كان فيها مساويء كتير برضه!! لكن اللي حسيته إن الدنيا اتقلبت في الأربع سنين اللي فاتت. يا ترى ده علشان بقيت عارفة إيه اللي بيحصل ومتابعة الأخبار زيادة عن اللزوم، بس محتاجة الناس اللي لسة شابفة حاجة حلوة في البلد تساعدني، علشان لما أرجع، أرجع وجوايا شوية تفاؤل مش كم القرف اللي واصلنى من كل الناس.
مش عايزة أحس بالوهم ولا محتاجة حد يضحك عليّ بس نفسي حد يكون شايف حاجة حلوة يقول عليها، يصورها ويوصفها. أنا عارفة أن مصر فيها أهلي وأصحابي ودي حاجة مهمة جدًا. لكن إيه اللي يخلي الواحد يستحمل العيشة هناك وميدورش على بلد خابزة زي ما كانوا زمان بيقولوا؟؟؟؟
إيه يا ترى لسه في مصر حلو أو كان وحش واتغير للأحسن؟؟؟؟
4 comments:
حاجه حلوه
تسعيره دقيقه المحمول بترخص يوم بعد يوم
في ظابط هيتحبس لأنه عذب واحد
القهوه اللي باقعد عليها جددوها و بقت شكلها حلو أوي
حاجات كتير يعني
مين قال أنه كله وحش أكيد في حلو
مش عارفه
بس اعتقد ان هذا بسبب كثافة الاخبار السيئة عن مصر
المشاكل اللى فى مصر موجود اكبر منها هنا، و فى كل حتة
مصر فيها مشاكل اقتصادية كبيرة، مشكلة واضحة فى الفساد و قلة النظام المتمثلة يوميا فى المرور
لكن
انت مجربتيش تعيشى فى بلد بلا تاريخ يذكر
بلا حضارة
بلا ثقافة
ثقافتها الوحيدة هى الشراء و مشاهدة افلام مستوردة
مدينة بلا جبل او لا شاطىء
بلا حديقة او نهر
بلا طعم
كل حتة فى الدنيا فيها الحلو و فيها الوحش
هاني، اشكرك على الاخبار الحلوة. مع أني عرفت أن لسه موضوع الضابط ده فيه كلام
وردة الصحراء الجميلة
قلبي معاكي، عندك حق أكيد القعدة في بلد بلا طعم كده صصعبة، بس سيبك المهم الصحبة في أي مكان
إيمان
شكرًا على زيارتك
أكيد كل حته فيها الحلو وفيها الوحش المشكلة أننا مش بنشوف في مصر دلوقتي إلا الوحش، كانت محاولة لتغيير النظرة مش أكتر.
Post a Comment