هو ده اللي أنتو فالحين فيه

مجلس الشعب يرفض نشر الصور الإباحية في الصحف

رفض مجلس الشعب المصري يوم الخميس بشدة خروج بعض الصحف الصادرة في مصر عن قيم وتقاليد المجتمع والأداب العامه كما حذر من الخروج على الدستور والقانون.وقرر الدكتور أحمد فتحى سرور رئيس المجلس إرسال ثلاث رسائل إلى رئيس المجلس الأعلى للصحافة ووزير الثقافة والتضامن الاجتماعى احتجاجا على الصور الخليعة التى قامت بنشرها صحيفة تصدر تحت اسم "المصرى الشرقى".وقال سرور في كلمته أنه تلقى بيانات عاجله من جانب عدد من نواب جماعة الإخوان المسلمين المحظورة ضد الصحفيه ، وأنه أطلع عليها ولم يصدق أنها تصدر فى مصر بسبب خلاعة الصور المنشورة فيها. وقال رئئس المجلس : "لا أحبذ عرض هذه الصور فى مجلس الشعب وسوف أرسلها إلى الجهات المختصه لاتخاذ الإجراءات اللازمه وإبلاغ المجلس بها".وأضاف الدكتور سرور أن المجلس سوف يفتح باب المناقشة فى هذه القضية بعد تلقيه الردود ودعا إلى ضرورة حماية الأداب العامة والشباب من الصور الخليعة التى تنشر الاشمئزاز ، وعقب الدكتور مفيد شهاب وزير الشئون القانونية والمجالس النيابية أن الحكومة تشعر بمسئوليتها أمام هذه القضية وترفض هذه الصور التى تسىء إساءة بالغة إلى الأداب العامة وتعهد بمتابعة الجهات المسئولة عن هذه الصور التى لايقبل أى مواطن شريف توزيعها فى مصر.

مجرد خبر فقع مرارة.... مش مهم المصايب السودا اللي في البلد، والناس اللي بتموت بالميات في العبارات وهرب صاحبها(بمزاجهم)، والناس اللي بتتبهدل ومش بتاخذ حقها، مش مهم الحالة الاقتصادية الهباب اللي إحنا فيها، المهم الصور الإباحية

عالم عايزة الحرق زي ما بيحرقوا دمنا كل يوم

أووووووف بقى

مقتطفات من حوارات

يعني أنتو في مصر عادي كده راح بتحكوا نكت

??أيوه في مصر من زمان الناس بتقول نكت على كل حاجة، كمان النكت هيمنعوها

ده إحنا في العراق اللي كان يقول عندنا نكتة كان بيروح ورا الشمس هو وعيلته كلها

********

واحد زميلي في الجامعة جه يقول إنه حلم بواحد صاحبه بقى رئيس العراق، تاني يوم اتقبض عليه هو وصاحبه اللي حلم به كمان، ,ولما اعترضوا قالوا لهم :مش جايز دي مؤامرة في الحلم لعمل انقلاب - ودي مش نكته على فكرة

**********

بس المشكلة إن الأغنياء في مصر مش مشغولين قوي بالتغيير وتقريبًا مش عايزين حاجة تتغير، قليلين عندهم وعي وأحساس بغياب الحرية، الفساد بالنسبة لهم طريقة بيمشوا بيها حالهم من غير وجع دماغ، لسه هيقفوا في طوابير وهيتعاملوا بنظام، ده يعني لو المعجزة حصلت والنظام اتعمل. وكأن زمن الباشوات والباكوات رجع بس بدون ألقاب

*************

عارفة النهاردة المدرسة بتاعتنا جابت كراسة الأمنيات، وقالت إن كل واحد مننا ممكن يتمنى أمنية، عارفة أنا اتمنيت إيه؟

اتمنيت إن باباكي يرجعلك تاني

................

*******************

خلاص الفراخ واتضربت واللحمة كمان، صحيح فاضل السمك اللي أكيد هيحصلوا حاجة

!!??وفي الآخر يقولوا بلاش ناكل شيكولاته إيه الغلب ده

******************

Love is something if you give it away,

you will end up having more :)

Syriana

قبل عرض لوجو الشركة المنتجة يبدأ الفيلم بالآذان ثم تظهر مجموعة من العمال الفقراء من باكستان ودول عربية مختلفة في طريقها للعمل في آبار البترول

الفيلم على مستويات مختلفة، أحداثه بتدور في أماكن متفرقة، إيران، بيروت، تكساس، واشنطن، سويسرا، أسبانيا.

فيلم مختلف، فيه بترول وأمراء ورجال أعمال وغلابة مقهورين، عمال مطحونين، وأمراء ورجال بترول مريشين، وأفكار وكلام. فيلم جورج كلوني فيه بيحاول يتكلم عربي، تفتكروا علشان كده أخذ الأوسكار :)!!! ؟

السينما كان فيها عدد محدود من البشر، أغلبهم فوق الخمسين إحتمال كبير علشان الميعاد

الصبح هنا الناس عادة بتشتغل، لفت نظري وجود ناس فوق الستين بيتابعوا الفيلم باهتمام. فترات من الفيلم كنت بتسائل في مشاهد معينة يا ترى فهموا إيه؟ يا ترى بيفكروا في إيه؟؟

مش عايزة أحكي تفاصيل الفيلم، ولا انطباعاتي، عايزة بس أقولكم لو جاتلكم الفرصة يا ريت تشوفوه